معروف هندسيا إن نسبة (1 : 1.618) هى النسبة اللى بتحقق أكتر تناسق بصرى ممكن لأى شكـل فنى أو هندسى ..
وعشان كده اسمها " النسبة الذهبية " أو " الرقم الذهبى "
وده اللى بيخليك أحيانا تشوف مستطيل أجمل من مستطيل تانى .. أو لوحة أجمل من لوحة تانية من حيث الشكل العام .. أو موبايل أجمل من موبايل من حيث أبعاده .. أو صفحة كتاب متناسقة أكتر من صفحة كتاب تانى ..
و ده بيرجع لإن النسب بين عناصر المشهد البصرى
( مستطيل - لوحة - موبايل - صفحة كتاب ) = النسبة الذهبية
ولأن العين البشرية بتشوف التصميم المعمول بالنسبة الذهبية أجمل وأكثر اتقانا وتناسقا لأقصى درجة عن أى تصميم تانى مش معمول بالنسبة الذهبية
..ممكن نشوف ده فى لوحة الموناليزا .. وفى الجسم البشرى .. وفى نجم البحر .. وفى معبد البارثينون فى أثينا .. وأخيرا فى جهـاز الأيفون .
أما أول تصميم بشرى على وجه الأرض باستخدام النسبة الذهبية فكان هرم خوفو .. أعظم بناء على وجه الأرض .. والمعجزة الوحيدة اللى باقية من عجائب الدنيا السبعة القديمة